Си Џинпинг: Нашите односи со САД беа помрачени од негативни фактори

Односите меѓу Вашингтон и Пекинг беа помрачени од негативни фактори, со жалење оцени кинескиот претседател Си Џинпинг во телефонски разговор со својот американски колега, јавија Кинеската централна телевизија.

- Билатералните односи беа погодени од негативни фактори. Се надеваме дека САД ќе можат да се однесуваат коректно кон прашањата, поврзани со Тајван и во согласност со принципот за една Кина, изјави Си.

Владата на Трамп го разгневи Пекинг, кога на крајот на јуни даде зелено светло за продажба на оружје на Тајван во вредност од 1,3 милијарда долари.

Тајван, де факто, е независен остров, кого Пекинг го смета за одметната провинција. 

Претходно, Белата куќа соопшти дека Трамп и Си разговарале за заканите што доаѓаат од Северна Кореја. 

- Двајцата лидери ја потврдија приврзаноста кон идејата за Корејски Полуостров без нуклеарно оружје. Трамп повтори дека е цврсто решен да се стреми кон по избалансирани трговски односи со трговските партнери на САД, стои во соопштението.