Шведската принцеза роди син

Шведската престолонаследничка Викторија денеска во Стокхолм го роди нејзиниото второ дете, момче, кое е трето по ред за шведскиот трон.

- Бебето и Викторија се чувствуваат одлично, изјави за новинарите пред болницата Каролинска, нејзиниот сопруг, принцот Даниел.

Се очекува родителите утре да го соопштат името на детето. Сестрата на бебето, Естел, неодамна го прослави четвртиот роденден.

Шведскиот крал Карл Густав 16. и кралицата Силвија се родители на три деца, а сега имаат четири внучиња и петтото е на пат и би требало да се роди во април.