Швајцарската амбасада донираше книги во битолската Универзитетска библиотека

Амбасадата на Швајцарија во Република Македонија денеска донираше книги во НУ Универзитетска библиотека „Св.Климент Охридски“-Битола.

Донацијата ја предаде амбасадорката на Швајцарија во Република Македонија Сибил Зутер Техада која истакна дека го поттикнува читањето на книги од лица со различна возраст.

- Секоја година од Швајцарија донираме книги на германски јазик. Дониравме избор белетристика, но и друга понуда. Така ќе биде и понатаму, рече Зутер Техада за време на нејзиниот престој во Битола.

Според директорката на НУ Универзитетска библиотека „Св.Климент Охридски“-Битола, Лили Бошевска книгите ќе бидат достапни за сите лица, сместени на првиот кат од библиотеката, а тоа значи дека ќе може да ги користат и лица со пречки или телесен хендикеп.

- На располагање се различни наслови, вредна литература, познати и читани автори од Германија, Австрија и Швајцарија кои сега ќе може да се изнајмуваат и во Битола. Користењето литература на странски јазици во нашата библиотека е редовна пракса и во пораст, посочи Бошевска.

Амбасадорката на Швајцарија во Република Македонија, Сибил Зутер Техада се сретна и со ректорот на УКЛО, Сашо Коруновски.