Свет
8. November 2015 - 19:06

Штрајкот на вработените во „Луфтханза“ се шири

Штрајкот на стјуардите и стјуардесите на германскиот авиопревозник „ Луфтханза“ што започна во петокот во борба за подобри плати и услови за работа, се проширува и за утре е најавен прекин на работата на аеродромите во Франкфурт, Дизелдорф и Минхен, јавуваат германските медиуми.

Утре од 4:30 до 23 часот стјуардите и стјуардесите ќе го прекинат работењето, а тоа ќе значи дека повторно ќе бидат откажани голем број летови и ќе бидат погодени илјадници патници.

На првиот ден од штрајкот беа откажани околу 290 летови, со што беа погодени 37.000 патници, додека вчера беа откажани дури 520 летови, со што беа погодени околу 58.000 патници.

Со штрајкот е погодена само компанијата „Луфтханза“, но не и нејзините ќерки компании „Јуровингс“, „Аустриан Ерлајнс“ или „Брисел Ерлајнс“.