Што го предизвикува икањето и како да се ослободите од него?
Во поголемиот дел од случаите, икањето е безопасно но понекогаш тоа може да биде и симптом на некој посериозен здравствен проблем.
Икањето претставува состојба на неконтролирана контракција на дијафрагмата, при што настанува карактеристичен звук. Имено, со грчењето на дијафрагмата доаѓа до затворање на гласните жици, а со тоа и се појавува и звукот.
Што го предизвикува икањето?
Причината е честопати непозната, но експертите велат дека тоа започнува со иритација на дијафрагмата.
Може да се јави како резултат на брзо јадење на храната, при што доаѓа до голтање на воздух или поради консумирање на претопла храна или алкохол", вели д-р Рада Филиповиќ, специјалист по општа медицина.
Во модерното доба, икањето може да биде предизвикано и од стрес или чувство на нервоза. Надразнетоста на нервниот систем кој проаѓа од синусите до дијафрагмата исто така може да ја предизвика оваа здодевна појава.
Траење на икањето и превенција
Најчесто, нападите траат неколку минути, но во ретки случаи тие можат да бидат трајни, од неколку дена па дури и до цел месец.
Најчести причини за долготрајното икање се сериозни здравствени проблеми како што се тумор на мозокот, повреда на главата, болести на хранопроводот, цревни заболувања, проблеми со жолчката и црниот дроб, воспалителни промени на панкреасот и воспаление на белите дробови", истакнува д-р Филиповиќ.
Икањето може да се избегне со бавно јадење и добро џвакање на храната, за да се избегне голтање на воздухот. Исто така, се препорачува и избегнување на газираните пијалоци и пивото.
За краткорочното икање, најчесто помагаат следните "трикови":
- задржување на воздухот најдолго што можете
- брзо пиење на студена вода
- јадење сув леб
- масирање на очните јаболкници
- плазење на јазикот (помага во олеснување на дишењето, а со тоа и намалување на контракциите на дијафрагмата)
Ново на Сител
-
Активен пожарот помеѓу Слупчане и Ваксинце, зафатена сува трева и нискостеблеста шума
-
Премиерот Мицкоски на поставување камен темелник на нова спортска сала во Воената академија во Скопје
-
ЦУК: Активни четири пожари, два под контрола
-
Првиот клуб на починатиот фудбалер Жота ќе користи дрес со неговиот лик
-
Тројца убиени во руски напад во регионот Запорожје, вели регионалниот гувернер
-
Без струја дел од општина Карпош
-
На граничните премини Табановце и Богородица се чека околу 30 минути
-
Гром удри на фудбалски натпревар во Србија, десет играчи паднале на теренот, од кои еден е тешко повреден