Штипскиот универзитет ќе ги ослободи од партиципација најдобрите 105 бруцоши
Најдобро рангираните кандидати за упис на студенти во прва година за академската 2018-2019 година на сите факултети при универзитетот „Гоце Делчев“ (УГД)-Штип ќе бидат ослободени од партиципација. Ректорот на УГД-Штип, Блажо Боев на денешната прес конференција рече дека станува збор за вкупно 105 бесплатни партиципации, кои ќе бидат доделени одfФондовите за иновации и за соработката со стопанството и бизнисот.
- На сите единици на Универзитетот во различен број некаде повеќе, а некаде помалку во зависност од големината на факултетот. Најмногу ќе бидат доделени на Факултетот за медицински науки вкупно 13, потоа на Природно-техничкиот факултет 10 партиципации, исто на Земјоделскиот факултет 10 партиципации..., вели Боев.
Бесплатната партиципација за најдобрите идни бруцоши на штипскиот универзитет “Гоце Делчев“ е во висина од 200 евра на студиските програми на градот Штип и 100 евра за бруцошите кои ќе се запишат на дисперзираните студии кои се во рамките на универзитетот. Идните студенти нема потреба да аплицираат, туку изборот се врши врз основа на ранг листата.
Боев најави дека веќе одредени македонски компании ќе понудат стипендии за најдобрите студенти, а наскоро ќе бидат истакнати на веб страницата на универзитетот, за што студентите ќе можат да се информираат.
- Во секој случај ќе има размислување да се продолжат овие партиципации на студентите, секако за најдобрите и мислам дека е добра пракса да универзитетот влезе во една друга политика, во делот на тоа да привлекува добри студенти, со тоа што ќе ги поддржува тие квалитетни студенти, од сопствените извори на финансирање, рече Боев.
Штипскиот универзитет е подготвен за уписите во прва година за академската 2018-2019 година. Оваа година првиот уписен рок е подоцна, бидејќи согласно новиот Закон за високо образование академската година официјално стартува на 1 октомври. Првиот уписен рок на факултети на УГД-Штип се на 28,29,30 август и 3 септември.
Ново на Сител
-
Приведен жител на Свети Николе, пронајдена дрога во неговиот дом
-
СПМ: Шефовите на источниот и јужниот сосед на Македонија настапуваат оркестрирано со империјални барања против интересите на македонскиот народ
-
Грчки медиуми: Сиљановска вели дека се однесуваат одговорно кон Договорот од Преспа, се сомнева дали истото важи и за Грција
-
Приведен кавадарчанец за нанесена тешка повреда на неговиот син
-
Студија на ОН: Се зголемуваат ризиците за мигрантите во Медитеранот
-
МВР: 223 возачи казнети за брзо возење
-
Вучиќ за пишувањето на Нова: Се што е напишано е лага, имаме многу фер односи со Русија
-
Би-Би-Си: Се очекува Сунак со следните неколку часа и формално да поднесе оставка пред кралот Чарлс