Штајнмаер и вети поддршка на Грција за бегалците

Германскиот министер за надворешни работи Франк Валтер Штајнмаер и вети денеска на Атина поддршка околу „товарот на приливот на илјадници бегалци“, кои секој ден пристигнуваат на грчкото крајбрежје. 

- Ќе ја поддржиме Грција, која се соочува со овој голем предизвик, изјави Штајнмаер за време на посетата на Атина за грчкиот весник „Та неа“.

Тој смета дека дека Европа „мора да покаже повеќе храброст за да зајакне“.

- Мораме да работиме заедно за да ја држиме ситуацијата под контрола, да ги обезбедиме надворешните европски граници, да развиеме заеднички пристап кон азилот и имиграцијата и правично да ги распоредиме бегалците, рече Штајнмаер.

Тој денеска треба да разговара со грчкиот премиер Алексис Ципрас, претседателот Прокопис Павлопулос и грчкиот министер за надворешни работи Никос Коцијас за примена на реформите и мерките за штедење, кои кредиторите ги бараат од Грција во замена за третиот, јунски пакет помош.