Шпанија вработува 50.000 здравствени работници

Поради порастот на инфицирани луѓе од Ковид-19 во Шпанија на работа ќе бидат вратени пензионираните лекари и медицински сестри, а ќе се вработуваат и студентите по медицина, кои се последна година на факултет.

Во Шпанија вчера се регистрирани 4.360 новозаразени со новиот коронавирус, со што вкупната бројка изнесува 18.077 лица. Додека вчера починаа 66 пациенти со што бројката на смртни случаи се искачи на  833. Шпанија е втора европска држава по Италија со најголем број на заболени.