Шпанија потврди ќе му даде азил на лидерот на венецуелската опозиција
Официјален Мадрид соопшти дека ќе му додели политички азил на лидерот на венецуелската опозиција, Едмундо Гонзалез Урутија, кој замина во егзил во Шпанија по месец дена криење во таа јужноамериканска земја, пренесува Радио Слободна Европа.
Гонзалез Урутија, кој го оспорува повторниот избор на претседателот Николас Мадуро, на 28 јули ја напушти Венецуела откако игнорираше три последователни повици да се појави пред обвинителите, тврдејќи дека учеството на сослушувањето можеше да го доведе во опасност.
Шпанскиот министер за надворешни работи Хозе Мануел Албарес денеска наведе дека Гонзалез Урутија побарал политички азил во Шпанија и дека земјата „очигледно“ ќе му го даде.
Претходно, на мрежата Икс, Албарес потврди дека опозицискиот челник патувал со шпански воен авион, додавајќи дека Шпанија е „посветена на политичките права“ на сите Венецуелци.
Каракас соопшти дека се согласил со негово безбедено заминување. Венецуела е во политичка криза од јули кога властите го прогласија Мадуро за победник на изборите.
Опозицијата тврди дека има докази дека Гонзалез Урутија победи со значителна разлика.
Многу нации, вклучувајќи ги Соединетите Американски Држави, Европската Унија и неколку земји од Латинска Америка, одбија да го признаат Мадуро за победник доколку официјален Каракас не ги објави деталните податоци за гласањето.
Ново на Сител
-
„Еми“ награди: „Мечката“ со најмногу награди за хумористична серија
-
ЛШ: Реал со победа ја почна одбраната на титулата, Баерн го декласираше Динамо
-
Одобрен заем од 500 милиони евра од Унгарската експорт - импорт банка, следува потпишување договор
-
Уставниот суд на денешната седница ќе расправа за „балансерот“
-
Украинската противвоздушна одбрана одби напад врз Киев, руски гувернери известуваат за напади на украински дронови
-
Во Охрид состанок на Постојаната експертска група за болеста африканска чума кај свињите
-
Камала Харис повика на крај на војната во Газа без израелска окупација
-
Палестинците го повикаа Генералното собрание на ООН да поддржи создавање на палестинска држава