Шојбле: Зависноста од ниски камати е како зависност од дрога
Германскиот министер за финансии Волфганг Шојбле денеска повика на брзо менување на политиките кои поддржуваат ниски банкарски камати.
Како што јави дописникот на МИА од Берлин, Шојбле го даде предупредувањето на опасноста од ниските камати врз економијата, откако во САД беше иницирана слична дебата поврзана со глобалните економски трендови и кризата во Кина.
Најновиот апел на министерот за финансии кој и порано бараше „да се нормализираат“ каматните стапки, доаѓа во време кога германската економија со соочува со опасност од криза на пазарите на пари и со штетите предизвикани од скандалот во водечкиот германски производител на автомобили „Фолксваген“.
Според Шојбле, каматните стапки се прениски, што предизвикува проблеми особено во функционирањето на пензиските фондови.
Ваквото предупредување на Шојбле уследи откако Европската централна банка ја намали својата основна каматна стапка на рекордно ниско ниво од 0,05 проценти и во исто време печати пари за да ја зајакне економијата, со што придонесува за ниска инфлација.
Министерот за финансии на најбогатата европска економија ги предупреди законодавците „да не паднат во замката“ на задржување ниски камати за да се поддржи позитивниот рејтинг на економиите, споредувајќи ја оваа ситуација со зависност од дрога.
Ново на Сител
-
МОН: Од утре ќе се исплаќа неисплатената финансиска поддршка за основци и средношколци
-
СДСМ избира нов лидер на партијата
-
Македонците во Албанија не ги признаваат резултатите од пописот, МНР ќе го повика амбасадорот Марковски на консултации
-
Нема кој да ги управува „Ер тракторите“ на Дирекцијата за заштита и спасување
-
Хамас: Нема напредок во преговорите со Израел, САД ни вршат притисок
-
Најмалку 18 лица загинати, а 30 повредени при терористички напади во североисточна Нигерија
-
Во Франција се одржува првиот круг вонредни парламентарни избори
-
Сообраќајот се одвива непречено, по суви коловози, золемен интензитетот надвор од градските средини