Шекеринска во посета на кумановската касарна

 Министерката за одбрана Радмила Шекеринска денеска ќе ја посети Командата за операции во касарната „Боро Менков“ во Куманово.

За време на посетата, министерката Шекеринска ќе биде брифирана за ангажираноста на Армијата во рамки на вонредната состојба.

По брифингот, министерката Шекеринска ќе се упати кон Белановце  на северната граница и ќе ги посети нашите припадници кои се ангажирани во поддршка на полициските сили за обезбедување на границата.