Шекеринска во официјална посета на Турција
Заменичката на претседателот на Владата и министерка за одбрана Радмила Шекеринска престојува во официјална посета на Турција, на покана од турскиот министер за национална одбрана, Нуретин Џаникли.
Во рамки на посетата, Шекеринска, покрај со својот домаќин, ќе има средби и со премиерот Бинали Јилдирим и со министерот за надворешни работи Мевлут Чавушоглу, соопшти МО.
На средбите ќе бидат разменети мислења за актуелната ситуација во Македонија и во регионот, како и пошироко, а ќе биде разгледана и досегашната и идната соработка меѓу двете земји.
Ќе стане збор и за заедничките мировни операции, како и за очекувањата од претстојниот самит на НАТО во Брисел и поддршката што ја дава Турција на Македонија на патот кон членството во Алијансата и исполнувањето на стандардите на НАТО.
Шекеринска ќе има средби и во турскиот потсекретаријат за одбранбена индустрија, а ќе посети и неколку воени капацитети.
Официјалната посета на Шекеринска на Турција, истакнуваат од Министерството за одбрана, е потврда на традиционалното пријателство и соработка меѓу двете земји.
Ново на Сител
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци