Шекеринска и Димитров од утре ќе учествуваат на Минхенската безбедносна конференција
Од утре до недела во Минхен на 54. Минхенска безбедносна конференција ќе учествуваат вицепремиерката и министерка за одбрана Радмила Шекеринска и шефот на македонската дипломатија Никола Димитров.
На конференцијата најавено е присуство на секретарот за одбрана на САД, Џејмс Матис, генералниот секретар на Обединетите Нации, Антонио Гутереш, генералниот секретар на НАТО, Јенс Столтенберг, британската премиерка Тереза Меј, претседателот на Европската комисија Жан-Клод Јункер, високата претставничка за надворешна и безбедносна политика, Федерика Могерини и еврокомесарот за соседска политика и проширување Јоханес Хан.
Годинава во фокусот на конференцијата ќе бидат дебатите за улогата на ЕУ како глобален актер и нејзините односи со НАТО, САД и Русија, растечката закана за либералниот меѓународен поредок, конфликтите на Блискиот Исток; заканите од тероризмот, состојбите во Африка и политичките случувања во регионот Сахел. Учесниците ќе дебатираат и за прашањата за заштита на животната средина и за сајбер безбедноста. Посебен акцент ќе биде ставен и на прашањата за контрола на оружјето и особено на тензиите околу програмата за нуклеарното оружје на Северна Кореја.
Македонските министри ќе учествуваат на повеќе панели посветени на транс-атлантската безбедност, соработката на НАТО и ЕУ и други теми, а предвидено е да остварат и повеќе билатерални средби.
Минхенската безбедносна конференција се етаблираше како водечки глобален форум на кој бројни политички лидери, шефови на држави и влади, министри, водечки личности од меѓународните организации, високи претставници од индустријата, медиумите, академијата и граѓанското општество, дискутираат за актуелните и идните безбедносни предизвици.
Ново на Сител
-
Назначени нови директори на ЈСП, ЈП Паркови и зеленило и ЈП Улици и патишта
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка