Шефот на босанската дипломатија во посета на Србија

Министерот за надворешни работи на Босна и Херцеговина, Игор Црнадак денеска ќе престојува во работна посета на Србија, јави Фена.

Предвидено е во Белград Црнадак да се сретне со српскиот вице-премиер и министер за надворешни работи Ивица Дачиќ, со кого ќе разговара за билатерланите односи меѓу БиХ и Србија, за регионалната и соработката во рамките на европските интеграции, како и за други актулени прашања.  

Според Министерството за надворешни работи на БиХ, Дачиќ и Црнадак ќе разговараат и за политичките состојби во Босна и Херцеговина и во Србија и за реформските процеси што ги преземаат двете земји на патот во приближувањето кон ЕУ.