Севернокорејската државна агенција ја нарече Парк Геун-хе „обичен криминалец“

Севернокорејската информативна агенција КЦТА ја нарече Парк Геун-хе „обичен криминалец“, откако јужнокорејската претседателка денеска беше конечно сменета од функцијата од страна на Уставниот суд поради голем корупциски скандал, во кој таа е вмешана.

- И остана уште една година како шеф на државата, но сега таа е сменета и ќе се води истрага против неа како за обичен криминалец, објави државната информативна агенција на Северна Кореја - КЦТА.

Кратката информација беше објавена невообичаено брзо за КЦТА, на која во принцип и се потребни по неколку денови за да соопшти вести од странство.

Парк Геун-хе беше сменета од претседателската функција поради корупциски скандал, во кој беа вмешани и големи локални компании, како „Самсунг“.