Северна Кореја транспортира меѓуконтинентална балистичка ракета кон западниот брег
Забележано е дека Северна Кореја транспортира меѓуконтинентална балистичка ракета кон западното крајбрежје, пишува јужнокорејскиот весник „Ејша бизнис дејли“, повикувајќи се на анонимен разузнавачки извор.
Според весникот, најверојатно тестирањето на ракетата ќе биде извршено на 9 септември за време на националниот празник - Денот на прогласувањето на Северна Кореја.
Транспортирањето започнало вчера, еден ден откако Северна Кореја ја изврши шестата нуклеарна проба. Истрелувањето се спроведува ноќно време со цел да се избегне нејзино следење.
Северна Кореја долж западното крајбрежје има полигони за лансирање на ракети, наведува јужнокорејскиот весник.
Јужнокорејското Министерство за одбрана соопшти дека не може да ја потврди информацијата на весникот, но вчера истакна дека Пјонгјанг е подготвен во секое време да лансира уште ракети, вклучувајќи и меѓуконтинентални.
Ново на Сител
-
Приведен бегалец од затвор, осуден на казна затвор од осум години
-
Столе Попов добитник на наградата „Живојин Жика Павловиќ“ за промоција на балканската кинематографија во светот
-
Посетителка во Зоолошката градина побарала да се тестира за птичји грип
-
Неделков: Вработените во Зоолошката постапиле согласно протоколите, на сметка на тоа се јавно линчувани
-
Таравари: Работиме на децентрализација на Онкологија, да функционира како Институтот за трансфузиологија
-
„Левица“ поднесе кривична пријава против Африм Гаши за законот за бранители
-
Седница на Централното претседателство на ДУИ
-
МВР: Приведени осомничени крадци во Куманово