Северна Кореја прикажа слики со цртежи од нова, помоќна интерконтинентална ракета
Северна Кореја денеска објави слики на кои се прикажани цртежи од нова интерконтинентална балистичка ракета, помоќна од сите кои беа изработени досега, наведоа експертите за оружје.
Доколку биде разработена таква ракета, таа би можела да го достигне секој град во копнениот дел на САД, вклучително и Вашингтон и Њујорк.
Синоќа, севернокорејските државни медиуми објавија фотографии на кои се глега како севернокорејскиот лидер Ким Џонг-ун стои до цртежите од тристепената ракета „Хвасон-13“.
Ракетните експерти, кои внимателно истражуваат слични цртежи при барањето на податоци за вооружената програма на Северн Кореја, наведоа дека нема знаци дека оваа ракета е целосно развиена.
- Во секој случај, таа не е тестирана во лет и поради тоа беше невозможно целосно да се пресмета нејзиниот потенцијален дострел, велат тие.
Тристепената ракета, имено, би била помоќа од двостепената „Хвасон-14“, што беше тестирана два пати во јули.
Јужникорејските и американските експерти сметаат дека „Хвасон-14“ е со дострел од околу 10.000 километри, што значи дека би можела да удри во многу региони во САД, но не и по источното крајбрежје.
Но, „Хвасон-13“ би можела да има дострел од 12.000 километри, со што може да стигне до сите делови на САД.
Намерите на Пјонгјанг со прикажувањето на тие слики се јасни, наведоа експертите.
Фотографиите беа проследени од статија, дека Ким наредил да се произведат повеќе ракетни мотори и боеви глави за време на посетата во Академијата за науки и одбрана, што разработува балистички ракети.
Ново на Сител
-
Србија е единствениот кандидат за ЕУ што не ги почитува новите одлуки поврзани со Украина и Северна Кореја
-
ВМРО-ДПМНЕ: Не се заборава штетата што ја нанесе СДСМ
-
Муцунски – Јовановиќ: Двете земји одржуваат и негуваат одлични билатерални односи
-
Ирена Алексиоска Папестиев нов директор на Гинекологија
-
Ирена Алексиоска Папестиев нов директор на Гинекологија
-
СДСМ: ВМРО-ДПМНЕ го стави Коце Трајановски да располага со 600 милиони евра
-
Подготвен сум да разговарам за предлогот за распуштање на Судскиот совет и на Советот за јавни обвинители, вели Мицкоски
-
Приведен крадец во тетовски Порој, затекнат на дело