Сенатот на САД изгласа нов пакет мерки за помош на Американците во време на пандемија
Американскиот Сенат синоќа ги изгласа мерките за помош на економијата на САД погодена од Ковид-19, во висина од 1,9 трилиони долари, предложени од претседателот Џо Бајден.
Демократите, кои се мнозинство во Сенатот, по неколкудневни дискусии конечно усогласија делумно видоизменет пакет мерки што вклучува помал, но критичен слој на граѓани кои ќе ги примаат исплатите од по 1.400 долари за човек, како и намалени неделни исплати од 300 долари за пријавените невработени лица.
Резултатот од гласањето ја покажа острата партиска поделеност во однос на законот – „за“ гласаа сите 50 демократи, додека „против“ беа сите 49 присутни републиканци. Сенаторот Ден Суливан од Алјаска, беше отсутен поради смртен случај во семејството.
Мерките сега треба да бидат изгласани во Претставничкиот дом, кој што се очекува да ги прифати измените договорени во Сенатот најдоцна до 14 март, кога истекува рокот за некои од бенефициите, како исплатите за невработеност, од претходната мерка донесена во декември.
Овој пакет мерки, после првите два донесени минатата година во април-март и во декемри, може да биде последен голем закон во одговор на пандемијата.
Ново на Сител
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата