Сенатот на САД ги отфрли предложените ограничувања за купување огнено оружје
Сенатот на САД ги отфрли вчера предложените ограничување за купување огнено оружје, со што требаше да им се отежне на лицата, кои се осомничени за тероризам да дојдат до оружје.
Двете симболични гласања покажа дека меѓупартиските поделби по прашање меѓу републиканците и демократите и натаму се присутни и покрај повеќето поголеми убиства во САД и зголеменото внимание кон потенцијалната закана од терористичката групација Исламска држава.
Гласањето се одржа еден ден по нападот во Сан Бернардино, во Калифорнија, во кој загинаа 14 лица.
Сенаторите со 54, наспротив 45 гласови го отфрлија предлогот на Дајан Фајнстин од Демократската партија, со кој се предвидуваше на Владата да и се дозволи да забрани продажба на огнено оружје на лица, кои се осомничени дека се терористи.
Иако Фајнстин овој предлог го достави уште од почетокот на годината, тој привлече внимание дури по нападите во Париз.
Претходно Сенатот го отфрли планот на републиканецот Џон Корнин, со кој на Владата требаше да и се дозволи да го одолговлекува продавањето огнено оружје на осомничени терористи во период до 72 часа, со цел во тој период да се овозможи зделката целосно да биде спречена, доколку федералните агенти успеат да го убедат судијата да го стори тоа.
Сенаторите го поддржаа со 55 гласови наспроти 44 овој предлог, но беа потребни 60 гласови за тој да биде усвоен.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка