Сенаторот Бенет јавно изрази сомневање во способноста на Бајден да победи на изборите
Американскиот сенатор Мајкл Бенет, демократ од Колорадо, изјави дека не верува оти актуелниот американски претседател Џозеф Бајден, по неговиот катастрофален настап во минатомесечната претседателска дебата со Доналд Трамп, е способен да победи на претседателските избори.
-Мислам дека Доналд Трамп е на пат да победи на претседателските избори, можеби дури и убедливо и на крилјата на таа победа да ги освои и Сенатот и Претставничкиот дом. За мене ова не е прашање на анкети, не е ни прашање на политиката. Ова е морално прашање за иднината на нашата земја. Белата куќа, од таа катастрофална дебата, според мене, не направи ништо за навистина да покаже дека постои план за победа на овие избори, рече вчера Бенет.
Сенаторот не го повика директно Бајден да се повлече од претседателската трка, но тој предупреди за тоа што е во прашање на претседателските избори во 2024 година и посочи дека контролата на републиканците врз Претставничкиот дом и Сенатот ќе значи „американска трагедија“.
Бенет рече дека неговите гласачи се длабоко загрижени за неизвесноста дали Бајден може да победи на изборите и ја повика Белата куќа да не ги игнорира тие грижи.
Овие коментари на демократскиот сенатор од Колорадо го потврдуваат извештајот на Си-ен-ен дека Бенет, за време на приватна средба на демократите во Сенатот, им рекол на своите колеги дека не верува оти Бајден може да победи на претседателските избори во ноември.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова