Селами: Електричните броила се точни според дозволените параметри и стандарди на ИЈЦ
Електричните броила се точни според дозволените параметри и стандарди на ИЈЦ. Лабораторијата во која се верификуваат електричните броила е акредитирана според стандардот 17020 од Институтот за акредитација на Република Северна Македонија, истакна директорот на Бирото за метрологија, Абдуљ Сељам Селами, во изјава за медиумите при денешната посета заедно со министерот за економија, Крешник Бектеши, на лабораторијата за испитување и верификација на електрични броила во подружницата на ЕВН во Бутел.
-Верификацијата е збир на постапки со кои се утврдува дека мерилото е во согласност со пропишаните услови и дека ги исполнува прописите и другите акти за верификација, односно се потврдува класата на точност на броилото. По констатацијата при мерењето и откако ќе биде утврдено дека грешките се во границите на максимално дозволените грешки за дадената класа на точност инженерите имаат задача да стават државен жиг со кој се докажува дека броилото е испитано и неговата класа на точност е според дозволените стандарди, посочи Сељами.
Во име на Министерството за економија и Бирото тој ги повика сите граѓани кои имаат сомнежи за точноста на електричните мерила слободно да се обратат до Бирото, кое ќе ги провери повторно броилата за да се отфрлат сомнежите коишто се однесуваат на трошење на електрична енергија.
Директорот на ЕВН, Волфганг Мајер, истакна дека точното мерење на броилата е нешто основно на компанијата.
-Точно знаеме што влегува во нашата мрежа, што излегува и се грижиме колку што можеме за да на крајот излезе најквалитетно. Најпрвин се врши набавка на броилата од ЕУ и сите тие се по сертифицирани стандарди. Другата страна е надворешна ревизија или проверка од Бирото за метрологија, која што е направена на професионален начин, изјави Мајер.
Ново на Сител
-
ЕУ внимателно го следи случајот со истрагата и апсењето на градоначалникот на Тирана, соопшти портпарол на Еврокомисијата
-
Мисајловски: Во НАТО имаме нов контекст насочен кон преговори за мир во Украина
-
Андоновска: Има висок интензитет на вирусот на грип во овој период, најмногу заболени во Скопје и Струмица
-
Кипарската Влада одобри жените доброволно да служат војска
-
Избран нов претседател на Партија на Власите од Македонија
-
Тензично во албанскиот Парламент, седницата прекината
-
Вонредни инспекциски надзори над загадувачите на воздухот во главниот град по барање на ОЈО
-
Филипче: Најостро ќе се спротивставиме на промена на државниот грб