СЕХА дерби: Вардар домаќин на Загреб

Македонскиот ракометен шампион Вардар попладнево го пречекува големиот ривал во СЕХА лигата првакот на Хрватска Загреб. Ова се двата тима кои имаат учество на сите пет завршни турнири во СЕХА лигата. Вардар има две титули, а Загреб една во ова натпреварување.

Дуелот е привлечен и од причина што на клупата на Загреб седи поранешниот тренер на Вардар Веселин Вујовиќ.

Почетокот на натпреварот што се игра во СЦ „Јане Сандански“ е во 17.45 часот.

Утре во натпревар од СЕХА лигата вториот македонски тим Металург е домаќин на Мешков Брест.