Седници на три собраниски комисии
Во Собранието на Република Македонија денеска седници ќе одржат комисиите за земјоделство, шумарство и водостопанство, за политички систем и односи меѓу заедниците и Законодавно-правната комисија.
На дневниот ред на Комисијата за земјоделство, шумарство и водостопанство се предлог - законите за изменување и дополнување на Законот за продажба на земјоделското земјиште во државна сопственост, на Законот за земјоделското земјиште и на Законот за пасиштата, сите во второ читање.
Ќе се разгледува и Извештајот на Европската комисија за Република Македонија за 2015 година, во делот на земјоделството, шумарството и водостопанството.
Членовите на Законодавно-правна комисија ќе расправаат по предлог - законите за изменување и дополнување на Законот за продажба на земјоделското земјиште во државна сопственост, на Законот за земјоделското земјиште, на Законот за пасиштата, на Законот за финансиска дисциплина, сите во второ читање. На дневниот ред се и Законот за учебници за основно и средно образование и изменувањето и дополнувањето на Кривичниот законик, во прво читање, како и предлог - законите за пробација и за амнестија, во прво читање.
Предлог-законот за изменување и дополнување на кривичниот законик, предлог-законите за пробација и за амнестија, во прво читање, се на агендата и на седницата на Комисија за политички систем и односи меѓу заедниците.
Ново на Сител
-
Производителите на пченица бараат повисоки откупни цени – откупувачите не даваат
-
Тема на денот со Горан Благоев, верски аналитичар и историчар од Софија
-
Коце Трајановски нов директор на Државни патишта, СДСМ критикува
-
Чибишев и поднел пријава на Бесија Иљази зошто незаконски им исплатила 650.000 денари на договорците
-
Судскиот совет има напредок, но и уште многу работа - Реакции на меѓународната заедница
-
Радев: Мицкоски нема познавање од меѓународно и уставно право
-
Приватните превозници нема да возат, бараат исплата на долг од над 2 милиони евра
-
Ни волшебно стапче нема да помогне за учениците во седмо одделение да имаат нови учебници