Седници на пет собраниски комисии

Во Собранието на Република Македонија за денеска се најавени седници на собраниските комисии за економски прашања, за финансирање и буџет, за земјоделство, шумарство и водостопанство, за труд и социјална политика и на Законодавно-правната комисија. 

На дневен ред на  Комисија за економски прашања е Предлог законот за изменување и дополнување на Законот за минерални суровини, по скратена постапка, во второ читање,  а на Комисијата за финансирање и буџет Предлог - законот за дополнување на Законот за јавните набавки, по скратена постапка , во второ читање. 

Членовите на Комисијата за земјоделство, шумарство и водостопанство треба да расправаат за Предлог-законот за изменување и дополнување на Законот за земјоделство и рурален развој, по скратена постапка, а членовите на Комисијата за труд и социјална политика за Предлог - законот за изменување и дополнување  на Законот за вработувањето и осигурување во случај на невработеност, по скратена постапка, во второ читање.

За предлог законите што се на дневен ред на тие четири комисии треба да се изјасни и Законодавно-правната комисија.