Седница на Советот на Град Скопје
Советот на Град Скопје денеска ја одржува 62. седница на која се поставуваат пратенички прашања.
Координаторот на советничката група на СДСМ и коалициските партнери во Советот на Град Скопје Дамјан Манчевски праша кога и дали воопшто се планира ребаланс на буџетот за обезбедување пари за вонредни мерки за намалување на загаденоста на воздухот.
Скопскиот градоначалник Коце Трајановски рече дека сите информации што се потребни, ниту една бројка не се крие, кога се работи за извештаи и донесување на буџетот.
Тој обвини дека додека СДСМ биле на власт не купиле ниту едно тркало за автобус или камион за јавните претпријатија.
Слободанка Алексовска, координатор на советничката група на ВМРО-ДПМНЕ и коалицијата во Советот на Град Скопје праша како ќе изгледа и колку ќе чини реконструкцијата, доградбата и надградбата на Универзалната сала во Скопје, која наредниот период ќе биде конгресен центар „Александар Македонски“.
Директорката на Универзална сала Вера Бошковска информира дека во моментов се работи на една дополнителна јавна набавка каде, како што рече, ќе се направат дополнувања на проектот.
- Бидејќи тој проект е веќе со некакви измени што ни се потребни, имаме можност за доградување на уште две мали сали, рече Бошковска и додаде оти ќе се направат и одредени законски промени што ги има.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари