Седница на собраниската Комисија за прашања на изборите и именувања

Собраниската Комисија за прашања на изборите и именувања денеска едногласно ја изгласа Предлог-одлука за дополнување на Одлуката за основање на пратенички групи на Собранието на Република Македонија за соработка со парламентите на други држави и избор на претседатели и членови на пратеничките групи на македонското Собрание за соработка со парламенти на други држави.

Членовите на Комисијата ја изгласаа и Предлог-одлука за разрешување и именување на претседател и членови на Одборот за доделување на државната награда „8 Септември".

За претседател на Одборот предложен е Ѓорѓе Војновиќ истакнат спортист, а за членови: Зоран Радиќ, Ленче Алексовска-Величковска, Јовица Угриновски, Руждија Калач, Александар Пујовски, Атанас Николовски, Врбица Стефанов, Пепи Манасков, Зоран Михајловски, Гоце Седловски, Астрид Исени и Мустафа Алиу.