Седница на собраниската Комисија за надворешната политика

Собраниската Комисијата за надворешната политика денеска ќе одржи седница, на која ќе бидат претставени платформите за дипломатски активности на амбасадорите на нашата држава во Косово, Албанија, Катар, Кралството Данска, при Мисијата на Обединетите Нации во Женева и при Мисијата во Советот на Европа, Стразбург.

Пред членовите на Комисијата платформата за дипломатски активности ќе ја претстави амбасадорот Теута Агаи Демјаха при Мисијата на Обединетите Нации во Женева, амбасадорот Шпреса Јусуфи при дипломатско-конзуларното претставништво во Приштина, Косово, амбасадорот Шабан Јашари при дипломатско-конзуларното претставништво во Доха, Држава Катар, амбасадорот  Светлана Гелева при Мисијата во Советот на Европа, Стразбург, амбасадорот Данчо Марковски при дипломатско-конзуларното претставништво во Тирана, Албанија и амбасадорот Фатон Бејта при дипломатско-конзуларното претставништво во Копенхаген, Кралството Данска.