Се зголемуваат насадите со малина во Пијанечкиот регион
Во Пијанец се поголем е бројот на овоштари кои пројавуваат интерес за подигање плантажи со малина. Една од поголемите компании кои реши да инвестира во оваа овошна култура е компанијата „Рудине" која има сопствен насад со малина од 15 декари.
За Мирко Гоцевски, дипломиран агроном во компанијата „Рудине", подигањето на овошен насад со малини може да му донесе ммогу бенефити на едно семејство ако почне да се занимава со одгледувањето на ова овошје.
- Ние оваа година подигнавме малина на површина од 15 декари. Ова е идеја која во соработка со кооперанти планираме да ја рашириме меѓу овоштарите во пијанечко-малешевскиот регион. Луѓето во нашиот регион се уште не се доволно запознаени со оваа култура, меѓутоа сметам дека поради тоа што малината има добра цена, семејство кое има добра површина поради добрата цена на малината може добро да егзистира, вели Гоцевски.
Малината објаснува Гоцевски успева на почва на која претходно е направена добра хемиска анализа.
-Се прави анализа на почвата. За да успее малината вредноста на земјиштето не треба да биде пониска од 6,5. Не е проблем дали земјата е песоклива важно е површината да се подготви со ѓубриво, појаснува Гоцевски.
За следната година плановите на „Рудине" се во насока да се нуди сопствен расад со цел популаризација на оваа се уште малку застапена култура во Пијанец, како и едукативни предавања за начинот под кој малината може да даде добар принос за пристојна егзистенција на семејствата кои ќе решат да се занимаваат со одгледување на малина.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација