Се запали туристички брод во Нов Зеланд, сите патници спасени
Сите 60 патници и членови на екипажoт на туристички брод што се запали во близина на брегот на Нов Зеланд се спасени, откако бегајќи од пожарот скокнале во морето, соопшти денеска локалната полиција.
Бродот полн со туристи се враќал од островот Вакари, активен вулкан во заливот Пленти, кога дошло до пожар.
Очевидци виделе дека огнот избувнал во моторот на бродот, како и оти потоа брзо се проширил по целиот брод, додека тој се наоѓал на околу километар од брегот.
- Огнот се проширил по целиот брод, па патниците морале да скокнат во вода, се наведува во полицискиот извештај.
- Во акцијата на спасување луѓе од водата учествуваше еден чамец за спасување, како и одреден број помали локални пловила. Потоа хеликоптерот извршил пребарување од воздух, за да потврди дека сите луѓе се спасени. Извршена е проверка на списокот на патници и утврдено е дека сите се спасени, наведе полицијата.
Едно лице е префрлено во болница поради вдишување чад, а друго се здобило со помали повреди кога скокнало од бродот во водата.
Засега не се знаат причините за пожарот.
Ново на Сител
-
Околу 20 маскирани лица упаднале во универзитетски кампус во Атина
-
Министер за одбрана на БиХ: Вучиќ беше избркан од САД поради обид да влезе на вечера на Трамп со лажен идентитет
-
Заврши средбата Мицкоски Таравари, разговорите продолжуваат
-
Шпанските обвинители започнаа истрага за смртта на околу 4.500 Шпанци во нацистичките логори на смртта
-
Нетанјаху: Новата офанзива во Газа ќе биде жестока и долгорочна
-
МОН: Стипендии за поттикнување средношколци да се запишуваат на студиски програми по македонски јазик
-
Вучиќ се враќа во среда на своите работни обврски
-
Агелер со честитка за Денот на македонскиот јазик