Се уриваат стари објекти во Пехчево за да се изградат нови улици
Се уриваат десетина стари градби кои ја попречуваат изградбата на улиците во Пехчево, со цел да се добијат широки улици и да се изградат тротоари на улиците. Градоначалникот Игор Поповски истакна дека станува збор за стари руинирани објекти или помошни простории кои никој не ги користи.
- Овие објекти ја попречуваа изградбата, а ако ги оставиме, улицата нема да биде безбедна и да го добие планираниот изглед. Исто така, овие објекти и самите претставуваа опасност, бидејќи можеа да се урнат во секој момент. Ние, како општина се договоривме со сите сопственици, да ги отстраниме овие стари објекти и да придонесеме во подобрување на урбаниот изглед на градот. Морам да истакнам дека никој од сопствениците не правеше проблем во врска со старите објекти и нивното уривање, рече Поповски.
Во Пехчево се реализира проектот за изградба и реконструкција на осум улици во градот со вкупна должина од 3 километри. Проектот е вреден 260 илјади евра, а средствата се обезбедени од Европската унија преку ИПА претпристапните фондови, администрирани според правилата на Светска банка. Изградбата на улиците треба да заврши за четири месеци.
Ново на Сител
-
Аврамовска Мадиќ: Излезноста на внатрепартиските избори за претседател на СДСМ 54 отсто
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија