-->
-->
Се трага по 11 лица од потонатиот брод во Атланскиот океан
-->

Три лица се спасени, а по 11 се трага по потонувањето на бродот „Bourbon Rhode“ во Атлантскиот Океан. Бродот се движел кон Гвајана, на околу 1.200 наутички милји од Мартиник и 60 наутички милји од ураганот од четврта категорија „Лоренцо“, кога се нашол во временски неприлики.
На бродот биле 14 членови на екипажот, а капетанот на бродот бил од Шибеник, пренесе Хина.
Пријавено е дека три лица биле пронајдени под чамец за спасување, додека по останатите се трага.
Министерството за надворешни работи на Хрватска потврди дека капетан на бродот е Дино Мишкиќ од Шибеник и дека меѓу членовите на екипажот нема други Хрвати.
Претставник на украинското Министерство за надворешни работи на Twitter објави дека двајца од тројцата спасени морнари биле Украинци.
Потрагата продолжува, а како што јави компанијата Bourbon, во чија сопственост е бродот, временските услови се подобруваат.
-->
-->
-->
Ново на Сител
-
Тема на денот со Изет Меџити
-
Пожар во Илинден, затворен автопатот
-
Детската болница Козле остана без вода
-
Недостигот на вода во делови од Скопје главна тема на седницата на советот
-
Одложено рочиштето за Штекли, бил неконтактибилен и дезориентиран
-
Осомничената очна докторка од Битола барала 100 евра за да направи операција на перде на пациентка од Ресен
-
Мицкоски: Нема потреба од лидерска средба
-
Мицкоски: Најголема инвестициска офанзива во општините, се гради низ цела држава