Протест на земјоделците во Брисел со барање за „силен“ буџет за земјоделството

Околу 500 претставници од европски земјоделски здруженија и синдикати денеска одржаа протести во Брисел, со барање за обезбедување на „силен“ буџет на ЕУ и за Заедничка земјоделска политика (ЗЗП) „базирана на солидарност“.

Протестот се одржа во периодот кога Европската комисија ја узвојуваше и ја презентираше Повеќегодишната финансиска рамка (МФФ) на ЕУ за периодот од 2028 до 2034 година, со која се предвидува намалување од средства за Заедничката земјоделска политика за 20 отсто и префрлање на надлежноста за распределба на средствата за земјоделски програми на националните власти на земјите членки на ЕУ.

На протестот учествува претставници на земјоделски федерации од Австрија, Белгија, Грција, Ирска, Италија, Полска, Португалија, Франција и Шпанија, како и од Србија.

Протестот започна во 14 часот на плоштадот Луксембург пред Европскиот парламент, од каде демонстраните се упатија пред седиштето на Европската комисија, каде оставија десетици пара чизми.

Во обраќањето на собирот пред Еврокомисијата, претседателот на Валонската земјоделска федерација (ФВА), Филип Дививје, ја критикуваше предложената буџетска рамка о повика на „солидарност за да се обезбедат идните генерации“.

- Не можеме да ја обезбедиме оваа иднина без силен, солидарен и заеднички буџет за земјоделството, истакна Дививје. 

МИА