Се стресе земјата, земјотрес од 7,1 степен го погоди Перу

Најмалку две лица загинаа, а 17 се водат како исчезнати, а 65 се повредени кога земјотрес со јачина од 7,1 степен по Рихтерова скала го погоди денеска Перу.

Гувернерката на регионот Арекипа, Јамила Осорио објави на Твитер дека 55-годишен маж настрадал кога врз него се урнала карпа во областа Јаук.

Другата жртва настрадала во истиот регион, додека 65 лица се повредени.

При потресот повеќе куќи се урнати и можно е да порасне бројот на жртвите, соопштија официјалните лица.

Перуанскиот министер за здравство наведе дека 17 лица се водат како исчезнати откако се урна еден рудник при земјотресот.

Геолошкиот институт на САД наведува дека потресот се случил на 124 километри југозападно од градот Пукујо.

Земјотресот е забележан на длабочина до 12,5 километри.