Се појави новата баба Ванѓа на Балканот – кај Марина од Лесковац се чека по три дена за сеанса

Илјадници луѓе од цел Балкан секојдневно пристигнуваат во селото Мијајлица кај Бојник, недалеку од Лесковац, со надеж дека ќе ги прегледа извесна Марина, за која се верува дека со биоенергија лекува од најтешките болести. Колони автомобили стојат на влезот во селото од 190 жители, во близина на Лесковац, а многумина спијат по три ноќи пред куќата на мистериозната жена чекајќи сеанса.

 

За Марина малку се знае, освен дека е жена во четириесеттите години и дека своите натприродни моќи ги открила пред 15 години. Оние кои биле кај неа велат дека штом ќе го види човекот, му поставува дијагноза, а потоа за кратко време го лекува.

 

-Пред куќата на Марина секојдневно во шатори кампуваат стотина, а некогаш и илјадници луѓе. Услов да ги прими е една ноќ да преспијат пред нејзната куќа, а многу од нив преспиваат и по две-три ноќи. Наутро некој од нејзините домашни излегува и им дели бројчиња на луѓето. Потоа тие по тој распоред влегуваат во нејзината куќа. Таму таа ги прима во соба преполна со икони-велат мештаните на Мијајлица, кои се уверени во нејзните исцелителни моќи.

 

-Штом го види човекот, Марина веднаш му кажува што му е. Непогрешиво ја погодува дијагнозата, по што препишува терапија. Нема ниту еден што не го излечила. За возврат не бара ништо,нема тарифа, туку кој колку даде.Кај неа доаѓаат луѓе од цел Балкан. Ги лечи и оние кои не доаѓаат лично, доволно е преку некого да испратат фотографија- уверуваат соседите на Марина.

 

-Оваа жена не е врачара туку вистинска ислецителка. Кога ќе дојдете кај неа како да сте дошле на психолог. Ве ослободува од стравот, ви дава надеж. Знам жени кои не можеле да родат, а откако дошле на сеанса кај Марина, родиле две деца. Многу луѓе кренала на нозе- изјавил еден Бугар, кој се уверил во моќите на Марина.