Се подобруваат условите за спортски активности во беровските училишта
Се подобруваат условите за спорт во беровската деветтолетка „Дедо Иљо Малешевски“. Спортскиот терен на кој се извршуваат часовите по спорт и физичка култура во ова училиште доби нова гумена подлога.
За директорката Наташа Аврамска целта на ваквата активност е обезбедување безбеден спортски терен што ќе го користат учениците.
– Спортот е рекреација, но понекогаш завршува и со повреди. Затоа сметавме дека неминовно е поставување нова гумирана подлога која е поставена на игралиштето во кругот на ООУ „Дедо Иљо Малешевски“ во Берово. Поставена е на површина од 1.050 метри квадратни, а средствата во вкупен износ од 2 милиони и 139 илјади денари се обезбедени од буџетот на училиштето и општината, информира Аврамска.
Таа дополни дека активности за подобрување на условите се реализирани и во неколку подрачни училишта.
– Кога сме во делот на спорт и спортски активности, со средства исто така од буџетот ги оградивме спортските терени во подрачните училишта во Двориште и Митрашинци. Претходно во учичиштето во Берово целосно беа реновирани соблекувалните, додаде Аврамска.
Во беровското училиште во тек се и други активности кои се очекува да завршат пред почетокот на новата учебна година.
Ново на Сител
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа
-
37 годишник го запалил мостот „Беласица“, лежи во затвор за тешка кражба
-
Во март пониски увозните цени од одделот Кокс и рафинирани нафтени производи
-
Камионџија од Украина пронајден починат на Табановце