Се очекува Трамп денеска да ја прогласи иранската Револуционерна гарда за терористичка организација
Администрацијата на американскиот претседател Доналд Трамп планира да ја прогласи иранската Револуционерна гарда за „странска терористичка организација“, а неименувани американски функционери потврдија дека овој чекор без преседан со кој Белата куќа го зајакнува притисокот врз Техеран би можел да биде објавен уште денеска.
Овој чекор на Трамп би можел да има големи последици врз американскиот персонал и политиката на САД на Блискиот исток и во други подрачја.
Оваа информација првпат беше објавена во саботата по што претседавачот со Комитетот за национална безбедност на иранскиот Парламент Хешматолах Фалахатпишех изјави дека Иран би можел да ја стави американската армија на списокот со терористи ако Вашингтон ја прогласи елитната иранска Револуционерна гарда за странска терористичка организација.
– Ако Револуционерната гарда биде ставена на американскиот список на терористички групи, ние армијата на таа земја (САД) ќе ја ставиме на црната листа на терористи веднаш со Даеш (Исламска држава)”, напиша Фалахатпишех на Твитер.
Ново на Сител
-
Граѓанската иницијатива Зелен хуман град ја поздрави пресудата за убиството на кучето Феликс
-
Приведено едно лице од Куманово поради управување моторно возило под дејство на алкохол
-
Во Србија од октомври го зголемуваат минималецот на 500 евра
-
За кокаин и убиства по нарачка шестмина членови на криминалната група Грчец осудени на вкупно 50 и пол години затвор
-
УХМР: Следните два дена топло, потоа локален пороен дожд и ветер
-
Нелегално оружје и муниција одземени од стружанец, за дел поседувал дозвола
-
Три месеци затвор за убиството на кучето Феликс
-
Лекар во Струшката болница го оштетил буџетот на установата за два милиони денари