Македонија
10. August 2020 - 13:52

Се обеси затвореник во Идризово

Денеска околу пладне во затворот Идризово вработените и затворениците го пронашле мртвото тело на затвореник од Кавадарци, кој си го одзел животот со бесење. Се работи за младо момче осудено на повеќе од 20 години затвор за повеќе тешки кривични дела меѓу кои и убиство.

Информацијата за Сител ја потврди и директор на управата за извршување санкции Јовица Стојановиќ, кој вели дека утрово е информиран за настанот, но повеќе информации најави откако ќе заврши увидот.

Телото на починатиот е предадено на органите кои се очекува да ги утврдат околностите и причините за смртта.

 

Деспина Тодоровска