Се гради детска градинка во селото Спанчево
Започна реализацијата на проект за изградба на детска градинка во селото Спанчево во општина Чешиново - Облешево, за што ќе се преадаптира објектот на поранешната амбуланта кој е во сопственост на локалната самоуправа.
Градежните работи чинат 5,5 милиони денари, инвеститор е Министерството за труд и социјална политика, а според проектната документација градинката ќе биде со капацитет за згрижување на 50 деца.
- Изградбата на градинката во Спанчево беше неопходна за да се добие дополнителен простор за згрижување на децата од предучилишна возраст, со оглед што веќе е исполнет капацитетот во постојните два објекти во Чешиново и во Облешево. Со преадаптацијата целосно се заменуваат прозорците и вратите, како и кровната конструкција, а во објектот ќе се уредат занимална, кујна со трпезарија и санитарен јазол, истакна градоначалникот на Чешиново-Облешево, Горанчо Крстев.
Според потпишаниот договор, изведувачот на градежните работи има обврска до крајот на годината да ја заврши адаптацијата на објектот, а пуштањето во употреба на градинката се очекува за напролет.
Ново на Сител
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден
-
Претседателски избори 2024
-
Годишнина од масакрот во училиште во Белград
-
Парламентарни избори 2024
-
Правoславните христијани го одбележуваат Велики петок