Се градат тротоари на повеќе улици во Берово

 

Како што информираат од Општина Берово, преку проектот  се опфатени повеќе тротоарски површини и изградба на неколку улици, а во Берово во тек се градежните активности за обновување на тротоарската површина на десната страна на ул.„Маршал Тито“ вo потегот од раскрсницата со ул.„Партизанска“ пред Агенцијата за вработување до кружната раскрсница на влезот во Берово.

 

Од општината истакнуваат дека преку овој проект е планирано поставување  бехатон плочки со дебелина од 6 сантиметри во должина од околу 400 метри и широчина од 2 метри во поголемиот дел со проширување пред Агенцијата за вработување со вкупна опфатена површина од околу 1100 м2.

 

Инаку, во рамки на проектот е изграден и паркинг простор меѓу социјалната зграда и колективната станбена зграда на кејот на река Брегалница, а е опфатено и поставување тротоарска површина на ул.„Маршал Тито“ во Смојмирово во должина од 150 метри, изградба на пристапна улица до селските гробишта во Русиново и доградба на улиците „Илинденска“ и “23 Август“ во Берово со вкупна должина од околу 250 метри.