Се гледаме во кампања: Најголемиот ривал на Трамп, Берни Сандерс излезе од болница по инфарктот

Американскиот претседателски кандидат Берни Сандерс, кој преживеа срцев удар пред неколку дена, конечно ја напушти болницата во Лас Вегас.

Веднаш по пуштањето од болница испрати порака до гласачите.

Со снимка на која се гушка со сопругата Џејн, Сандерс им се заблагодари на сите за поддршката.

„Сакам на сите да ви се заблагодарам на поддршката, љубовта и пораките со поддршка. Се гледаме наскоро во кампањата“, рече Сандерс додека неговата сопруга додаде дека поддршката многу им значи.

Да потсетиме, американскиот сенатор (78) нагло ги откажа сите планирани настапи во кампањата во вторникот, откако почна да чувствува болка во градите.

Итно е префрлен во болница каде му е оперирана блокирана срцева артерија и вградени му се два стента.