Се бара решение за Македонски железници, возовите и денеска не возат
Железничкиот сообраќај во Македонија се уште е во целосен прекин поради протестот на вработените кои бараат целосна исплата на јануарската плата.
Од Железничката станица во Скопје информираат дека и денеска не сообраќат патничките и товарните возови.
„Македонски железници - Транспорт“ денеска соопшти дека до крајот на овој месец ќе изнајде начин да го исплати првиот дел од јануарската плата, а од 10 март и вториот дел од платата.
Во соопштението се деманитираат информациите дека на вработените им се должат многу плати и се истакнува дека не е исплатена само јануарската плата.
Од „Македонски железници - Транспорт“ посочуваат дека во соработка со Владата треба да се финализира и решението за подолгорочно решавање на состојбата во Македонски железници.
- Дополнително би сакале да упатиме еден апел до сите вработени кои недозволуваат нормално одвивање на железничкиот сообраќај, да не потпаѓаат под притисок за собирање на нечии дневно-политички поени бидејќи подлегнувањето на такви притисоци нема да доведе до решенија, туку само до продлабочување на кризата што од друга страна е цел на одредени политички субјекти, наведува „Македонски железници - Транспорт“.
Од друга страна, вработените остануваат на ставот да им биде исплатена целосно јануарската плата и најавуваат дека прекинот на железничкиот сообраќај ќе трае се додека не биде исполнето нивното барање.
Протестот е во организација на организација на Независниот синдикат на МЖ, СЖМ-Инфраструктура и АНС - Железничари.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Тема на денот со Миле Маркоски декан на ФЗНХ
-
Приватните специјализанти уште еднаш потсетија за нивните барања за поголеми плати и осигурување
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее