Се апсат лица кои учествувале во борбите во Сирија - Досега приведени седум лица

МВР од рано утринава спроведува антитерористичка акција во неколку градови во државата за апсење членови на ИСИЛ.

 

Акцијата е во насока за приведување на лица за кои постојат сомненија дека учествувале во паравоени формации во Сирија и во други региони каде има воени конфликти.

 

Според првичните информации, приведени се и лица кои врбувале македонски државјани за да учествуваат во борбите во Сирија.

 

 Досега се приведени седум лица, а полицијата се уште трага и по други.

 

Акцијата и претресите се одвиваат во Скопје, Струга, Куманово, Тетово, Гостивар, а за финалната фаза се ангажирани специјалците на МВР. Претреси се извршени и во помошни простории на џамија во Скопје која подолг временски период не е под контрола на ИВЗ.

 

Подетални информации МВР најави во текот на денот.