СДСМ: Со Законот за наставници обезбедуваме правна и економска сигурност за над 4.700 наставници
Со Законот за наставници и стручни соработници обезбедуваме правна и економска сигурност за над 4.700 наставници и стручни соработници
Измените и дополнувањата на Законот за наставниците и стручните соработници во основните и средните училишта, како и Законот за Бирото за развој на образованието се влезени во собраниска процедура.
Овие измени значат реализација на важни ветувања дадени пред граѓаните и обезбедување на правна и економска сигурност за наставниот кадар во основните и средните училишта.
Наставниците и стручните соработници отсега директно ќе се вработуваат на неопределено време доколку ги исполнат законски предвидените услови, односно со новиот закон им се трансформира работниот однос на наставниците и стручните соработници кои до моментот на стапување на сила се ангажирани на определено време, ако за тоа ги исполнуваат условите.
Преку измената би се отфатиле 1.464 наставници и стручни соработници кои во моментот се ангажирани на определено работно време до 2 години, како и 3.326 наставници ангажирани на определено работно време над 2 години на кои не им е трансформиран работниот однос.
Законските измени освен што обезбедуваат правна и економска сигурност на наставничкиот кадар преку засновање на работниот однос на неопределено време, ќе доведат до подобрување на квалитетот на воспитно-образовниот процес преку воспоставување на континуитет во реализација на наставата и ќе овозможат професионален развој на наставниците и стручните соработници.
Како и секогаш кога во Собранието се наоѓа важен закон за граѓаните, ВМРО-ДПМНЕ ја активира погубната стратегија на кочење и блокирање на законите.
Пратениците на ВМРО-ДПМНЕ уште на комисиска расправа го блокираат овој закон кој е во интерес на наставниците, но и на учениците и нивните родители.
ВМРО-ДПМНЕ е против правна и економска сигурност на наставниците и стручните соработници, се противи на обезбедување на континуитет во реализација на наставниот процес.
И покрај овие блокади, парламентарното мнозинство предводено од СДСМ ќе ги искористи сите механизми овие измени да бидат донесени, со што ќе ги исправиме неправдите кон одредени наставници и стручни соработници кои немаа еднаков статус со нивните колеги.
Како одговорна партија продолжуваме со грижата за сите граѓани.
Центар за комуникации со јавност на СДСМ
Ново на Сител
-
Тема на денот со Дарко Аврамовски
-
Пентагон: Билатералните односи да останат надвор од НАТО
-
Се китат со туѓи перја - Српскиот министер за култура го присвои родното место на Јустинијан Први
-
Пратениците од крилото на Села остануваат со Европскиот фронт
-
ВМРО-ДПМНЕ со обвинувања до Венко Филипче
-
Задругите се иднината на Македонското земјоделие, но се уште се на незавидно ниво
-
Спектакуларно отворање на 50-то издание на фестивалот на народни песни ,,Пеце Атанасовски‘‘ во Прилеп
-
По теркот на останатите туристички центри потребно е да се работи на инклузивен туризам