СДСМ: Народот е против блокади, Мицкоски продолжува да работи на штета на државните интереси

Очајното и безидејно ВМРО-ДПМНЕ предводено од Христијан Мицкоски доживеа нов дебакл со вчерашните протести на кои имаше повеќе автомобили отколку луѓе.

Граѓаните повторно испратија силна порака до Мицкоски и ВМРО-ДПМНЕ, народот е против блокади!

Наместо во чувствителни моменти за државата да и помогнат, Мицкоски и ВМРО-ДПМНЕ одмагаат и саботираат.

Мицкоски нема чувство за националните интереси и се обидува да ги саботира напорите да добиеме Меѓувладина конференција и премостување на блокадата во ЕУ.

Се што е во интерес на граѓаните, ВМРО-ДПМНЕ го кочи, опструира и блокира.

Затоа редат порази од граѓаните затоа уште долго ќе останат во опозиција, затоа што граѓаните се за напредок, просперитет и развој, а тоа ВМРО-ДПМНЕ и Мицкоски не можат да го понудат.

Со почит,

Центар за комуникации со јавноста на СДСМ