СДСМ го повика Иванов да го даде мандатот за составување влада

СДСМ денеска преку соопштение повторно го повика претседателот Ѓорге Иванов да не го крши Уставот и да го даде мандатот за составување нова влада.

- Ѓорге Иванов да престане да го крши Уставот и да остава простор за лаги од пропагандата и за насилство. Иванов е должен веднаш да го даде мандатот на претседателот на СДСМ, Зоран Заев, за формирање на новата Влада на Р. Македонија, се вели во соопштението.

СДСМ посочува дека мнозинството граѓани гласале за квалитетен живот, нови работни места, подобро образование, здравство и култура и оти тоа ќе бидат приоритетите на новата влада.

- Македонија, како што се обврзавме и во Планот за живот, ќе биде едно општество, на еднакви граѓани, во кое што ниту една заедница нема да биде ниту маргинализирана, ниту привилегирана. Единствен можен следен чекор е одблокирање на демократските процеси и мирен трансфен на власта, наведува СДСМ.