СДСМ: Доаѓа време на одговорност

Времето на криминал и расипништво заврши, доаѓа време на одговорност. Режимот замина во минатото, а со него заминаа и криминалните зделки преку кои ВМРО-ДПМНЕ и Никола Груевски цели 11 години ги осиромашуваа граѓаните, наведува СДСМ во реакција на денешната прес-конференција на Светлана Колариќ од ВМРО-ДПМНЕ.

Резултат на таквото криминално владеење, се додава во реакцијата, се 500.000 граѓани кои беа оставени да живеат под прагот на сиромаштија.

- Граѓаните имаа прилика да слушнат преку проектот „Вистината за Македонија“ како на нивна штета Никола Груевски и ВМРО-ДПМНЕ договараат да земат милионски провизии за изградба на автопатишта, луксузни парцели на Водно, скапо платен мерцедес од 600.000 евра по вкус, желба и нарачка директно од Никола Груевски. Времето на расипништво и криминал заврши. Доаѓа време кога мора да има и ќе има одговорност за сите злоупотреби и направени криминали изминативе 11 години кои им нанесоа огромни штети на граѓаните на Македонија, наведува СДСМ во реакцијата.