СДСМ: Арсовска ги заборави скопјани

Данела Арсовска целосно ги игнорираше маките на скопјани околу кризата со топловодна енергија и наместо да помогне преку Град Скопје таа бараше оправдувања.

Арсовска уште еднаш покажа дека за неа не се битни интересите на граѓаните туку важни и се само личните и партиски интереси.

За разлика од негрижата на Арсовска и ВМРО-ДПМНЕ,  Владата предводена од СДСМ  најде решение кое обезбедува топли радијатори за скопјани.

Со прогласувањето кризна состојба се преземаат мерки за непречено снабдување со топлинска и електрична енергија и заштита на стандардот на граѓаните. 

Според постигнатите договори  ТЕ-ТО наместо до 21.00 ќе работи до 01.00 после полноќ и со тоа ќе се произведе потребната топлинска енергија. До крај на грејната сезона се планира целокупната произведена електрична енергија од ТЕ-ТО да ја превземе АД ЕСМ со што ке има доволно топлинска енергија за БЕГ.

АД ЕСМ ќе го менаџира целокупното финансиско работење на БЕГ преку посебна сметка и за истото ке доставува извештаи до Владата. АД ЕСМ веќе поседува лиценци за топлинска енергија.