Санкции за 51 возач за пречекорување на брзината

Одделението за безбедност на патниот сообраќај при Секторот за внатрешни работи Скопје спроведе зајакнати контроли со цел санкционирање на прекршоците на учесниците во сообраќајот. Утврдено е дека 51 возач ја пречекориле брзината, а биле изречени и шест мерки за непрописно престигнување. Откриени се и 17 прекршоци што ги направиле мотоциклисти.

Вчера во периодот од 6:00 до 24:00 часот спроведена е контрола на брзина на движење на моторни возила и притоа е утврдено дека 51 возач ја пречекориле брзината во населено место и тие се соодветно санкционирани. Откриени се и 59 останати прекршоци, кои исто така соодветно се санкционирани.

Во периодот од 19:00 до 01:00 часот ноќеска била спроведена контрола за прекршоци што ги чинат возачи на мотори и при тоа биле откриени 17 прекршоци, кои се соодветно санкционирани. Исто така биле откриени уште 51 останати прекршоци.

Вчера во периодот од 15:00 до 20:00 часот била спроведена контрола за непрописно престигнување, при што преземени се шест мерки. Откриени се и 13 останати прекршоци.