„Сандеј тајмс“: Британија им нуди нов идентитет на Сергеј и Јулија Скрипал во САД

Велика Британија разгледува можност на поранешниот двоен агент Сергеј Скрипал и неговата ќерка Јулија, кои неодамна беа отруени, да им понуди нов идентитет и живот во САД во обид да ги заштити од евентуален повторен обид за убиство, пишува „Сандеј тајмс“.

Весникот информира дека претставници на британската разузнавачка агенција МИ6 разговарале со колеги во ЦИА во врска со преселување на семејството Скрипал. Неименуван извор соопштил дека ним ќе им бидат понудени нови идентети.

Весникот додава дека, добро упатени извори веруваат дека Британија сака да им обезбеди сигурност со што ќе ги пресели во една од петте земји членки на договорот за размена на разузнавачки податоци меѓу кои се САД, Канада, Австралија и Нов Зеланд.

Би-Би-Си пред два дена јави дека и состојбата на Сергеј Скрипал повеќе не е критична. Телевизијата цитираше претставници на болницата во Салсбури според кои тој добро реагира на лекувањето и неговата состојба „рапидно се подобрува“.