Технологија
30. јуни 2015 - 22:09

Самсунг трансформирал апарати во „мобилни полначи“

Компанијата Самсунг го претстави новиот УСБ кабел - PSC (power sharing cable), кој овозможува два апарати да делат енергија.

Кабелот се продава по цена од 19,99 долари и обезбедува полнење на било кој апарат кој обично се полни преку портот микроУСБ, едноставно со негово поврзување на смартфон или таблет Галакси, трансформирани во мобилни полначи.

Системот функционира благодарејќи на апликацијата PSA (power sharing app) која овозможува да се одреди кое количество енергија корисникот сака да го дели со другиот апарат.

Кабелот моментно функционира само кај апаратите Галакси Ѕ5, Алфа, Ноут 4, Авант и Галакси Таб Ѕ.